Кытай — Кыргызстан — Өзбекстан темир жолунун курулушу өлкөнүн тышкы карызын көбөйтпөйт. Бул тууралуу министрлер кабинетинин башчысы Акылбек Жапаров Жогорку Кеңештин жыйынында билдирди.Анын айтымында, жол курулгандан кийин Кыргызстан жылына 7 миллион тоннадан 15 миллион тоннага чейин жүк өтө турган транзиттик өлкөгө айланат."Бул темир жол өзүн актай турган коммерциялык долбоор болуп саналат. Ал мамлекеттик-жеке өнөктөштүк принцибинде курулуп, өзүн-өзү актайт. Ошондой эле Европа менен соода алаканы өнүктүрүүгө шарт түзөт. Убагында Европага терезе ачылгандай, биз да дүйнөлүк рынокко жол ачып жатабыз", — деди Жапаров.Ошондой эле ал аталган долбоор 2050-жылы ИДПнын көлөмүн 200 миллиард долларга чыгарууга өбөлгө болоруна ишеним артып жатканын кошумчалады.
"Рух ордо" туристтик борборуна кирүү акысы арзандады. Бул тууралуу президенттин маалымат катчысы Аскат Алагөзов билдирди.Анын айтымында, буга чейин киши башына 500 сомдон алынып келген."Рух ордого" кирүү акысы 2020-жылга чейин 400 сом болсо, андан кийин 500 сомго чыгарышкан. Бул сумма бүгүнкү күнгө чейин кармалып турду. Президент Садыр Жапаровдун тапшырмасы менен жарандардын руханий азыктануусуна шарт түзүү максатында бул туристтик борборго кирүү акысы 350 сомго төмөндөтүлдү. "Акысыз эле кылып койсо болбойт беле" деген да суроолор туулушу мүмкүн. Бирок борбордогу объектилерди көрктөндүрүп, жакшыртып турууга каражат талап кылынарын унутпашыбыз керек", — деди Алагөзов. "Рух ордо" туристтик борборун буга чейин жеке жактар иштетип келген, кийин мамлекеттин карамагына өткөрүлгөн.
Өзгөчө кырдаалдар министрлигине караштуу Суучулдарды даярдоо жана суу алдындагы техникалык иштерди аткаруу борбору куткаруучу болууну каалагандарды окууга чакырат. Бул тууралуу ведомствонун маалымат кызматы билдирди. Талап боюнча, он күндүк окууга 18ден 45 жашка чейинки адамдар алынат. Тандоодон өзгөчө талаптарга жооп берген, тагыраагы, ден соолугу чың, психикасы туруктуу болгондор өтөт."10 күндүк курстун баасы кыргызстандыктар үчүн 3 400 сом, КМШга мүчө мамлекеттердин жарандары үчүн 6 800 сом, ал эми башка өлкөлөрдүн жарандары үчүн 13 600 сомду түзөт. Окуудан өткөндөргө билимин тастыктаган сертификат берилет. Ал башка өлкөлөрдө да таанылып, иштөөгө уруксат берет", — деп айтылат маалыматта.Мындан сырткары, аталган борбор суучулдардын квалификациясын жогорулатуу боюнча дагы бир айлык курстарды өтөт.
Россия Федерациясынын эл аралык аренадагы позициясы чыңдалып жатат. Мындай пикирин Вьетнамдын президенти То Лам Владимир Путин менен эки тараптуу сүйлөшүүлөрдү ачып жатып билдиргенин РИА Новости жазды.Ал Путиндин жетекчилиги астында Россияда саясий жана социалдык туруктуулук чыңдалып, экономика жигердүү өнүгүп, калктын жашоосу жакшырып жатканына кубанычта экенин белгиледи. То Лам Путинди соңку президенттик шайлоодо калктын абсолюттук колдоосуна ээ болгондугу менен куттуктады. Анын айтымында, бул өлкө элинин жеке Владимир Путинге ишениминин өтө жогору экендигинен кабар берет.Ал ошондой эле Вьетнамдын президенти болуп шайланганда орус лидеринен келген жылуу куттуктоолор үчүн ыраазычылык билдирди."Биздин элибиз эки өлкө ортосундагы мамилелерди өнүктүрүүгө чоң маани берет.", — деди То Лам