Бишкектеги стадион реконструкциялануудаМедведев Түштүк-Чыгыш Азия өлкөлөрүнүн ЕАЭБ менен кызматташууга кызыгуусу өсүп жатканын айтты100 миң сомго чейинки насыяны жубайынын макулдугусуз берүү сунушталды алдыда кененирээкУлуттук Банк 100 миң сомго чейинки насыяны жубайынын макулдугусуз алууга уруксат берүүнү сунуштады. Документ башкы банктын сайтына жайгаштырылган. Буга чейин 50 миң сомдон ашык насыя алганда түгөйүнүн макулдугу талап кылынчу. Учурда бул суммага чейинки насыялар күрөөсүз берилгендиктен сумманы 100 миң сомго чейин чыгаруу максатталууда. "Кредиттерди берүүдө автоматташтырылган системалар колдонулуп жаткандыктан кардардын жолдошунан/жубайынан макулдук алынуучу кредиттердин суммасын көбөйтүү зарылчылыгы келип чыгууда", — деп жазылат маалыматта. Чектөө жубайлардын биринин күнөөсү менен үй-бүлө финансылык оор абалга кабылган учурларды токтотууга багытталганы кошумчаланды.
Бишкекте Дөлөн Өмүрзаков атындагы стадионду реконструкциялоо иштери жүрүп жатат. Мамкурулуштун жетекчиси Нурдан Орунтаев дем алыш күндөрү стадионду реконструкциялоонун жүрүшү менен таанышканын Sputnik Кыргызстан агенттигине билдирди.Анын айтымында, азыр ал жерде жашыл майсаң, чуркоочу жол жана отургучтар демонтаждалууда. "Иш 10-июнда башталган. Объектиде бир подрядчы иштеп жатат, муктаждык жаралса башкалар да тартылат. Азыркы тапта стадиондун шибери, трибуналары демонтаждалып бүтүп калды. Кийинки жумада алар жаңыртыла баштайт", — деди Орунтаев. Реконструкциядан кийин борбордук стадион эл аралык стандарттарга жооп берип, күйөрмандар электрондук турникет аркылуу киргизилери белгиленди.Курулуш иштерин сентябрдын ортосуна чейин толук бүткөрүү пландалууда
“Ош” аэропорту алдыдагы 5 жыл ичинде көчүрүлбөйт Бул тууралуу Жарандык авиация мамлекеттик агенттигинин директору Данияр Бостонов парламенттин комитетинде билдирди. “Бул президенттик администрация менен макулдашылган. Бизде “Ош” аэропорту 5 жылда көчүрүлбөйт деген кат бар”, — деди Бостонов. Эске салсак, 2023-жылы Ош жана Жалал-Абад шаарларында жаңы аэропорт курулары маалым болгон. Ал эми эски аэропорттордун ордуна заманбап турак жайлар салынып, ипотекага берүү каралган эле.
Түштүк-Чыгыш Азия өлкөлөрүнүн ЕАЭБ менен кызматташууга кызыгуусу өсүүдө. Бул тууралуу РФ Коопсуздук кеңешинин төрагасынын орун басары Дмитрий Медведев билдиргенин РИА Новости жазды. Ал "Көп полярдуу дүйнө үчүн дүйнөлүк көпчүлүк" аттуу партиялар аралык форумдун жүрүшүндө "Суверендүү мамлекеттердин финансылык-экономикалык коопсуздугун камсыз кылууда Россиянын жана АСЕАН өлкөлөрүнүн жооптуу саясий күчтөрүнүн ролу" аттуу тегерек столдо сүйлөгөн. Медведевдин айтымында, Россия ЕАЭБ, АСЕАН жана ШКУнун потенциалын айкалыштыруу келечегине оптимисттик көз караш менен карайт. "Түштүк-Чыгыш Азия мамлекеттеринин Евразия экономикалык биримдиги менен кызматташууга болгон кызыгуусун канааттануу менен белгилегим келет. Былтыр ноябрда Жакартадагы катчылыкта ЕАЭБ күндөрү болуп өттү. Өлкөлөр Шанхай кызматташтык уюму менен кызматташууну да тыкыр карап жатышат. Бул ишти кыйла жакшыртып, аны практикалык деңгээлге чыгарат. Ошондуктан жалпысынан ЕАЭБ менен ШКУнун потенциалын айкалыштыруу келечегине оптимисттик көз караштабыз", — деди Медведев.