7-10-июнь күндөрү Бишкекте жаш таланттар катышкан V Эл аралык “KGтай” көп жанрдагы фестиваль-сынагы өттү. Быйыл иш-чарага жети өлкөдөн балдар келип катышты. Сынактын негизги максаты - жаш таланттарды аныктоо жана колдоо, катышуучу өлкөлөрдүн балдары менен жаштарынын достук байланыштарын, чыгармачылык байланыштарын кеңейтүү жана чыңдоо, ошондой эле балдардын чыгармачылыгы аркылуу тынчтык жана улуттар аралык достук идеяларын жайылтуу.
Тынчтыкты орнотуу идеясын илгерилетүү жана ар түрдүү өлкөлөрдүн жана элдердин маданияты жана искусствосу аркылуу улуттук жана көп маданий баалуулуктарды жайылтуу, ошондой эле Кыргызстандын маданияты жана салттары менен тааныштыруу үчүн уюштурулган иш-чара тууралуу Кыргыз Республикасынын эмгек сиңирген артисти, аталган фестивалдын уюштуруучусу Гүлнара Тойгонбаева баяндап берди.