Кыргыз футбол союзу машыктыруучу Штефан Таркович менен келишимди узарткан жокРоссиянын Борбордук банкы валюта рыногунда туруктуулукту камсыздай алатУлуттук банк Кыргызстандагы валюта рыногу тууралуу пикирин биллдирди алдыда кененирээкКыргызстандын Улуттук банкы валюта рыногундагы кырдаалга комментарий берди. Эске салсак, 13-июндан тарта Москва биржасы АКШнын санкциялык тизмесине киргендигине байланыштуу доллар жана евро менен соода жүргүзүүнү токтоткон. Улуттук банктын маалыматы боюнча, өлкө ичиндеги валюта рыногунда абал салыштырмалуу туруктуу бойдон калууда. "Валюта саясатын жүргүзүүдө Улуттук банк өзгөрүлмө алмашуу курсунун режимин карманат, ал валютага болгон суроо-талаптын жана сунуштун негизинде акчанын баасын аныктайт", — деп айтылат маалыматта. Кыргызстандын Улуттук банкы ички валюта рыногунда жана тышкы финансы рынокторунда калыптанган кырдаалга дайыма мониторинг жүргүзүп турарын кошумчалаган. 13-июнда Улуттук банктын жана коммерциялык банктардын өкүлдөрү учурдагы кырдаал боюнча пикир алмашып, Кыргызстандын негизги соода өнөктөшү болгон өлкөлөрдүн каржы рыногундагы өзгөрүүлөр ички экономикага аз-маз гана таасир тийгизерин белгилешти.
Россиянын Борбордук банкы валюта рыногунда туруктуулукту камсыздай алат. Бул тууралуу РФ президентинин маалымат катчысы Дмитрий Песков АКШнын Москва биржасына каршы киргизген санкцияларына комментарий берип жатып билдирди. "Борбордук банк мегарегулятор, ал бардык рыноктордо туруктуулукту камсыздай алат", — деди Песков. Россия санкцияларга жооп кайтаруу чаралары жөнүндө ойлонуп жатабы деген суроого "Москва өз кызыкчылыгына туура келгидей жооп кайтарууну ойлоп жатат" деп жооп берген. Шаршемби күнү АКШ Россияга каршы санкцияларын кеңейтип, ал Москва биржасын, Улуттук клирингдик борборду жана Улуттук эсептешүү депозитарийин камтыды. Мунун фонунда доллар, евро жана гонконг доллары менен биржа соодасы токтотулуп, биржадан тышкаркы рынокко өткөрүлдү.
Кыргыз футбол союзу улуттук курама команданын башкы машыктыруучусу Штефан Таркович менен келишимди узарткан жок. Бул тууралуу союздан билдиришти.КФСтин жетекчилиги ички кеңешүүлөрдөн кийин келишимди узартпоо чечимине келген. Союздун башчысы Камчыбек Ташиев Тарковичке аткарылган профессионалдык иши үчүн ыраазычылык билдирди. "Ташиев белгилегендей, машыктыруучунун ишке профессионалдуу мамиле жасаганынын айкын мисалдарынын бири — жеке кайгысына карабай командада калганы. Анын келишими 30-июнда аяктайт. Таркович менен бирге анын бардык машыктыруучулар штабы улуттук курама командадан кетет", — деди КФС. Словакиялык машыктыруучу курама командага башкы машыктыруучу катары былтыр бекитилген. Анын тушунда команда Азия кубогунда ийгилик жарата албай, бирок 2026-жылдагы дүйнө чемпионатына тандоонун 3-туруна жолдомо алды.
/// ЭМИ ВАЛЮТА КУРСУ МЕНЕН ТААНЫШЫП АЛЫҢЫЗДАР Улуттук банктын билдирүүсү боюнча ушул тапта: 1 АКШ доллары 86 сом, 94 тыйынга 1 евро 93 сом 47 тыйынга 1 рубль 97 тыйынга Казак тенгеси 19 тыйынга барабар
МУНАЙ БААСЫ Бишкекте орточо эсеп менен алганда Аи 92 үлгүсүндөгү бензин 65 сом 40 тыйындан баштап, 67 сом 40 тыйынга чейин, Аи 95 үлгүсүндөгү күйүүчү май 72 сом 90 тыйындан тарта, 74 сом 40 тыйынга чейин, дизель майы 73 сом 80 тыйындан, 74 сом 30 тыйынга дейре, ал эми унаа газынын литри 33 сом 70 тыйындан сатылууда. ///АБА ЫРАЙЫ14-июнга караган түнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. 14-июнь, жума күнү тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы күтүлөт. Өрөөндөрдө күн ачык болот. Бул тууралуу Кыргызгидромет билдирди. Абанын температурасы Чүйдө +26...+31, Талас аймагында +24...+29, Ош, Жалал-Абад облустарында +32...+37, Баткенде +31...+36, Ысык-Көл жана Нарын өрөөндөрүндө +20...+25 градус жылуу болот. Борбор калаада күндүн табы +27...+29, Ош шаарында +32...+34, Чолпон-Атада +22...+24 градус жылуу болот.