БИШКЕК, 12-июн. — Sputnik. Президент Садыр Жапаров Жылдыз Полотованы мурдагы ишинен бошотуп, эмгек, социалдык камсыздоо жана миграция министри кылып дайындады.
Президенттин маалымат кызматы билдиргендей, тиешелүү жарлыктарга өлкө башчы кол койгон.
Эске салсак, анын талапкерлигин Жогорку Кеңеш бүгүн колдоп берди. Буга чейинки министр Гүлнара Баатырова 7-июнда кызматынан бошотулган. Министрдин милдетин орун басары 49 жаштагы Жылдыз Полотова аткарып келген.