БИШКЕК, 12-июн. — Sputnik. Тышкы иштер министри Жээнбек Кулубаев россиялык кесиптеши Сергей Лавров менен телефондон сүйлөштү. Бул тууралуу тышкы ведомстводон билдиришти.
Сүйлөшүүлөрдүн жүрүшүндө Кулубаев Россиянын ТИМ башчысын мамлекеттик майрам — Россия күнү менен куттуктады. Ошондой эле алар кыргыз-орус алакаларын өнүктүрүү жана эл аралык уюмдарда кызматташуусун талкуулашты.
Тараптар эки өлкөнүн ортосундагы стратегиялык өнөктөштүк жана союздаштык мамилелер мындан ары да прогрессивдүү өнүгүп, чыңдаларына ишеним артышкан.