БИШКЕК, 11-июн. — Sputnik. Кыргызстандын футбол боюнча курама командасы Оман менен 1:1 эсебинде тең чыкты.
Оюндун 20-мүнөтүндө топ бурчтан чыгарылып, Элдияр Зарыпбеков гол киргизди. Беттештин 57-мүнөтүндө омандыктар ийгиликтүү чабуул жасап, эсепти 1:1 кылып теңеди.
Бул дүйнө чемпионатынын тандоо турунун үчүнчү баскычына чыгуу үчүн тайпадагы соңку оюн болду.
Натыйжада D тайпасында Оман курамасы 13 упай менен биринчи, Кыргызстан 11 упай топтоп 2026-жылкы дүйнө биринчилигинин кийинки баскычына жана 2027-жылы боло турган Азия кубогуна экинчи жолдомону илип кетти. Үчүнчү орундагы Малайзия 10 упай алса, Тайбэй бир дагы упайга ээ боло алган жок.
Эскерте кетсек, оюн Омандын Маскат шаарында өттү.