"Анткен менен бизди бирдиктүү өлкөдө жашап турган ошол кездеги тарыхый маанилүү учурлар бириктирет. Көп нерсени чогуу баштан кечирдик. Эң оор мезгилде аталарыбыз, чоң аталарыбыз жалпы мекенибизди коргоп, өмүрүн берип, фашизмге каршы бирге туруп, күрөшкөн. Республика жана анын калкы СССРдин башка эли сыяктуу эле фронттун муктаждыгын жаап, жеңиш үчүн жан үрөдү. Согуштун кээрин, ачкачылыгын тарткандар калыбына келүү үчүн жергебизге жөнөтүлгөн", — деген Иманкулов.
"Россия өкмөтүнүн Кыргызстандын тышкы карызын кечүү боюнча бир нече чечими — буга айкын далилдердин бири. Бүгүнкү күндө Кыргызстан менен Россиянын ар кыл багытта өз ара пайдалуу кызматташуу боюнча укуктук базасындагы келишимдердин, документтерин саны 400дүн тегерегинде. Соода-экономикалык өнөктөштүк өсүп жатат. Кыргызстандын тышка соодасындагы Россиянын үлүшү 30 пайызга чукул. РФ республикага 147 миллион доллардан ашык каражат салып, өлкөдөгү алдыңкы инвесторлордун катарында турат", — деген Иманкулов.