БИШКЕК, 12-июн. — Sputnik. Бишкекте "Аккула" ат майданында эркек киши чагылган тийип көз жумганын Sputnik Кыргызстан агенттигине Тез жардам кызматынан тастыкташты.
"Окуя болгон жерге Тез жардамдын бригадасы барган, бирок куткарып кала алышкан эмес", — деди кызматтан.
Бул кырсыктан чабандестин минип жүргөн аты да өлгөн.
Милициядан адам өмүрүн алган факт Ленин райондук ИИБине катталып, тергөө башталганын айтышты.