БИШКЕК, 11-июн. — Sputnik. Шаршембиде күндүз Чүй, Ысык-Көл, Нарын облустарынын кээ бир райондорунда, Ош, Жалал-Абад, Баткендин тоо этектеринде жана тоолуу райондорунда жамгыр нөшөрлөп жаайт. Мындан улам тоолуу жана тоо этектериндеги өрөөндөрдө сел жүрүп, дарыяларда суунун деңгээли көтөрүлүшү күтүлөт. Бул тууралуу Кыргызгидромет билдирди.
Абанын температурасы Чүйдө +29...+34, Талас аймагында +28...+33, Ош, Жалал-Абад жана Баткен жергесинде +32...+37, Ысык-Көл өрөөнүндө +23...+28, Нарында +20...+25 гардус жылуу болот.
Ал эми Бишкекте күндүн табы +32...+34 градуска жетсе, Ош шаарында +35...+37, Чолпон-Атада +24...+26 градуска чейин көтөрүлөт.