БИШКЕК, 10-июн. — Sputnik. Кыргызстандыктар Москвада өткөн жаш мекендештердин VIII Дүйнөлүк оюндарына катышканын Бишкектеги “Русский дом” борборунан билдиришти.
Быйыл мелдешке 30 өлкөдөн келген 200дөн ашуун жеткинчектер катышты. Иш-чараны Россотрудничество, Россиянын Спорт министрлиги, “Единая Россия” партиясы жана Бүткүл россиялык мектеп спорту федерациясы уюштурду.
© Фото / пресс-служба Русского дома в Бишкеке
Кыргызстандын атынан Бишкектеги №29 гимназия-мектептин “Гинес” аттуу баскетболчулары, Ош шаарынан шахматчылар Райана Смагулова менен Аалы Эрмеков жана Москвадагы кыргыз диаспорасынын волейбол боюнча командасы катышты.
© Фото / пресс-служба Русского дома в Бишкеке
Жаш волейболчулар финалда Армениядан келген атаандаштарын жеңип, алтын медаль утуп алышты.
© Фото / пресс-служба Русского дома в Бишкеке
Шахматчылар команда боюнча оюнда күмүш медаль алса, Смагулова күмүш, ал эми Эрмеков коло медалдын ээси болушту.
Кыргызстандын баскетбол боюнча курама командасы 18 топтун ичинен бешинчи орунду ээледи.
Иш-чаранын катышуучуларына мындан тышкары “Орус тилиндеги диалогдор” аттуу программа менен Москва шаарындагы экскурсия уюштурулду.