БИШКЕК, 10-июн. — Sputnik. Филиппиндин Россиядагы элчиси Игорь Байлен Петербургдагы эл аралык экономикалык форумда ЕАЭБ менен өз ара түшүнүшүү боюнча макулдашууга келерки жылы кол коюу ниеттери бар экендигин билдирди. Бул туурасында РИА Новости жазды.
"Бул форумда аталган маселени ЕЭКтин интеграция жана макроэкономика коллегия мүчөлөрү (министр) Сергей Глазьев менен талкуулап, аны иштеп чыгууга өзүм да даяр экенимди айттым. Баш калаабызда Түштүк-Чыгыш Африка өлкөлөрүнүн ассоциациясындагы ЕАЭБ менен кызматташуу боюнча тиешелүү меморандуму бар (ага Сингапур менен Таиланд да кирген) беш мамлекетти айтып бердим. Мьянма, Индонезия жана Вьетнам мындай максатка жетиш үчүн иш алып барат деген ойдомун", — деген Байлен.
Өткөн жылы ПЭЭФте мындай макулдашууга Мьянма кадам таштагандыгын эске салып, дипломат быйылкы форумда ушундай эле документке кол коюуга анын ниеттенгенин, бирок болбой калганын айтты.
"Бирок келерки жылы болот деп ишенип турам. Муну жасоого даярдыгымды билдирдим. Филиппиндин соода министрине макулдашууга кол коюуга кадам таштоо өлкөнүн кызыкчылыгы үчүн керектигин айттым, министрлик муну жакшы түшүндү. Бир гана нерсе, процесс көбүрөөк убакытты алат, бирок пайдалуу нерсеси — Филиппиндин улуттук кызыкчылыгына жооп берет", — деген Байлен.
Эске салсак, мурдараак Филиппиндин финансы министри Ральф Ректо РИА Новостиге анын өлкөсү Россия менен экономикалык мамилелерди бекемдөөгө ниети бар экенин айтып берген.
"Учурда Россия менен олуттуу соода жана экономикалык мамилелер жок. Биз экономикалык ири байланыштар түзүлүшүн каалайбыз", — деген ал Эл аралык валюта фонду менен Дүйнөлүк банктын Вашингтондо өткөн жазгы отурумунда.
Анда Филиппиндин Финансы министрлигинин башчысы өлкөлөр арасындагы мамилеге Батыштын санкцияларынын кесепети тууралуу эч нерсе деген эмес, бирок Манила Москва менен эки тараптуу байланыштарды колдоорун айткан.