БИШКЕК, 7-июн. — Sputnik. Кайрат Осмоналиев Кыргызстандын Азербайжандагы элчиси кызматынан бошотулду.
Тийиштүү жарлыкка президент Садыр Жапаров кол койгон.
Осмоналиев бул кызматты 2021-жылдан бери аркалап келген. Ага чейин Шайлоо жана референдумдарды өткөрүү боюнча борбордук комиссиянын мүчөсү болгон.
Өлкө башчынын дагы бир жарлыгы менен бул кызматка Максат Мамытканов дайындалды.
Ал — 2020-жылдагы Октябрь окуяларынын катышуучусу. Бир нече ай вице-премьер болуп иштеп, кийин ЕЭКтин бажы тармагы боюнча министри болгон.