Кыргызстан CASA-1000 долбоорунун алкагында өзүнүн аймагындагы иштерди аяктап калды. Анын алкагында 1243 тирөөч орнотулуп, поезд жолдору даярдалган. Учурда зымдарды тартуу иштери жүрүүдө, анын 76 пайызы бүткөн. CASA-1000 Кыргызстан, Тажикстан, Афганстан жана Пакистандын энергетикалык тутумдарын байланыштырууга багытталган долбоор. Ал Кыргызстандын эл аралык стандарттарга ылайык электр энергиясын сатууга шарт түзөт.
Жогорку Кеңеште соцобьектилерди куруу үчүн жерди бир категориядан экинчисине которууга уруксат берген мыйзам долбоору үчүнчү окууда кабыл алынды. Тиешелүү өзгөртүүлөрдү камтыган мыйзам долбоорун депутат Марат Мураталиев демилгелеген. Мыйзамга ылайык, жеке менчикте турган сугат жерди саламаттык сактоо, мектеп, бала бакча, спорттук комплекс, маданият, искусство багытындагы соцобъектилерди жана чакан ГЭСтерди куруу үчүн калктуу конуш категориясына которууга мүмкүн болот.
Кыргызстанга быйыл туристтер былтыркыга салыштырмалуу 10 пайызга көп келери күтүлүүдө. Бул тууралуу Туризм департаментинин директору Максат Усубалиев Sputnik Кыргызстан маалымат борборунда өткөн брифингде билдирди. Анын айтымында, келечекте туристтердин санын эмес, туризмдин, анын ичинде тейлөөнүн сапатын изилдөө керек. "Биз туристтердин канааттануу деңгээлин, ошондой эле Кыргызстанда орточо эсеп менен канча акча короторун ойлонушубуз керек. Келечекте биз туристтердин санына эмес, сапатына умтулуп, тейлөөнү жакшыртууга өтүшүбүз керек. Туристтердин келүүсүн жасалма түрдө чектеген өлкөлөр бар, бирок алар көп акча таба алышат. Албетте, биз чектебейбиз, бирок жүк туура бөлүштүрүлүшү үчүн туристтердин багытын кеңейтүү зарылдыгын түшүнүү керек", — деди Усубалиев.
Бишкек шаарынын вице-мэри Рамиз Алиев баштаган делегация Кытайда иш сапары менен жүрөт. Бул тууралуу мэриянын басма сөз кызматы билдирди. Бишкек мэриясынын адистери атайын жабдууларды алуу үчүн заводдорду кыдырып, сапаты кепилдиги бар ишканалар менен келишим түзүшөт. Мындай иш-аракеттер ортомчусуз керектүү жабдууларды сатып алууга мүмкүндүк берет, — деп айтылат маалыматта. «Бишкекжашылчарба», «Тазалык», «Бишкекасфальтсервис» жана «Бишкекжарык» муниципалдык ишканалары паркын 350 бирдиктен ашык заманбап атайын техникалар толуктайт.
НАТО Жамааттык коопсуздук келишим уюмунундагы мамлекеттерге кирип келүү боюнча иш алып барууда, андан сырткары, аба мейкиндигинде жасалган чагымдар көбөйдү. Бул туурасында Россиянын Коопсуздук кеңешинин катчысы Сергей Шойгу ЖККУнун Коопсуздук кеңешинин катчыларынын комитети чогулган отурумда билдирген. Анын айтымында, Жамааттык коопсуздук кызматташуу уюмунда жаралып жаткан кооптуулук — "НАТОнун экспансиялык саясатынын уландысы". "Жамааттык коопсуздук зонасынын түндүк жана батыш чек араларында альянстын аскерлери көбөйүп, курал-жарактын жаңы системалары жайгаштырылууда. Аба мейкиндигинде чагымчылык өсүүдө. Аскердик машыгуулар арбын өтүп жатат, анын ичинде ЖККУ өлкөлөрүнүн аймагына басып кирүү боюнча