Жогорку Кеңеш Максат Асаналиевди башкы прокурорлукка талапкерлигин колдоп берди.Аны бул кызматка президент Садыр Жапаров сунуштап, макулдук алуу үчүн Жогорку Кеңешке киргизген. Жыйында президенттин парламенттеги өкүлү Алмасбек Абытов Асаналиевдин өмүр баяны менен тааныштырды. Анын айтымында, көзөмөл органынын жетекчиси кызматына талапкер Улуттук университетти юриспруденция адистиги боюнча бүтүргөн жана юстициянын полковниги. Маселе парламентте каралып, Асналиев депутаттардын бир катар суроолоруна жооп берди. Жыйынтыгында 69 депутат "макул" деп добуш берип, ЖК Максат Асаналиевдин талапкерлигин колдоду.Эске салсак, 3-июнда башкы прокурор Курманкул Зулушев отставкага кеткени белгилүү болгон. Ал эми 5-июнда Жогорку Кеңеш Курманкул Зулушевдин башкы прокурор кызматынан кетүү тууралуу арызын жактырган.
Жогорку Кеңеш Мамлекеттик бажы кызматына (МКК) тергөө функцияларын кайтаруу боюнча мыйзам долбоорун үчүнчү окууда жактырды. Документти министрлер кабинети демилгелеп, долбоор мыйзамдардагы карама-каршылыктарды жана боштуктарды жоюуга багытталганы белгиленген.Анын негиздемесинде мыйзам долбоору бажы органдарына аталган чөйрөдөгү кылмыштарды тергөө укугун берүү үчүн иштелип чыкканы жазылган.Документте бажы органдары өз компетенциясынын чегинде республиканын тышкы экономикалык коопсуздугун камсыздай турганы, аткезчилик жана бажы төлөмдөрүн төлөбөгөндөр менен күрөшүүгө, баңгизаттарды жана курал-жарактарды мыйзамсыз жүгүртүүгө бөгөт коюуга, ошондой эле эл аралык терроризмге каршы турууда көмөктөшөрү айтылган. Мындан тышкары, бажылык кылмыштар тергөөчүлөрдүн өзгөчө квалификациясын талап кылары белгиленген. Алар жазык жана салык мыйзамдарынан тышкары ЕАЭБдин Бажы кодексин жана башка эл аралык ченемдик-укуктук актыларды да мыкты билиши керектиги кошумчаланган.
Россиялык компаниялардын БУУнун Дүйнөлүк азык-түлүк программасынын тендерлерине катышуусу чектелгенин РБК өзүнүн маалымат булагына таянып жазды.Эмбарго оор абалда калып, жакырчылыкта жашаган өлкөгө гуманитардык жардам берүү программасына таасир этти. Россия бул жаатта жыйырма жылдан бери азык-түлүк жеткирип келчү. Россиядан чыккан ун, суу май, буурчак БУУнун Дүйнөлүк азык-түлүк программасына алынган азык-түлүктөрдүн 20%ын түзчү. Тамак-аш негизинен Сирия, Судан, Афганстан, Палестина жана Борбор Азия мамлекеттерине берилип келген.БУУ бул тууралуу азырынча үн ката элек, бирок чектөө тууралуу маалыматты Россиянын БУУнун Дүйнөлүк азык-түлүк программасындагы жана Римде жайгашкан башка эл аралык уюмдардагы туруктуу өкүлүнүн орун басары Диляра Равилова-Боровик тастыктады.
АКШнын президенти Жозеф Байден Мексиканын чек арасын мыйзамсыз кесип өтүп алардын аймагына кирген мигранттардын саясий баш паанек алуусуна тыюу салат. Бул туурасында РИА Новости жазды.Тиешелүү кадамдар мыйзамсыз киргендердин саны белгиленген лимиттен өтүп кеткенден кийин жасалары айтылган. Ак үйдөн учурда да ушундай кырдаал түзүлгөнүн белгилешкен. Мындан сырткары, АКШ бийлиги