БИШКЕК, 4-июн. — Sputnik. Чүйдө "Йакын-Инкар" диний агымынын активдүү мүчөлөрүнүн үйлөрү тинтүүгө алынып, экстремисттик делген материалдар алынды. Бул тууралуу УКМК билдирди.
Маалыматка караганда, алардын жашаган жеринен экстремисттик идеологияны үгүттөгөн көп сандагы басылмалар, электрондук маалымат каражаттары (компьютерлер, флешкалар ж.б.) табылган.
"Жыйынтыгында тыюу салынган кыймылдын 16 мүчөсү кармалып, алардын ичинен өзүн мусулмандардын "халифасы" деп эсептеген М.Б.М. камакка алынды. Ал экстремисттик уюмду түзүүгө жана каржылоого айыпталууда", — деп айтылат маалыматта.
Атайын кызмат калган жарандарга тиешелүү чаралар көрүлүп жатканын кошумчалады.