БИШКЕК, 3-июн. — Sputnik. Владимир Зеленский легитимдүүлүгү аяктагандан кийин олуттуу көйгөйлөргө тушуга баштады. Бул туурасында РИА Новости америкалык профессор Жон Миршаймер интервью берип жатканда айтканын жазды.
"Киевдеги саясий тармак бир кылка эмес. Зеленскийдин башына кара булут айлана баштаганынан кам санабай эле койсо болот. Мисал келтире кетейин, эми ал мыйзамдуу эмес, согуштун жүрүшүнө өлкөдө нааразылык күч... Көйгөйлөрү чындыгында толтура, өкмөттө же саясаттан тышкары истеблишментте аны алмаштырууга мүмкүн болгон талапкер ким экенин билбейм, бирок баш оорусу көп экендигинен шек санабай эле койсо болот", — деп белгилеген.
Профессордун айтымында, жаштарды, ал тургай улгайыңкы тартып бараткандарды зордоп эле кармап алып, армияга жөнөтүп жаткан кадамдар элдин калың катмарындагы чатак боюнча ашынган ишенимди азайтты.
"Аскердик кырдаал өтө эле жөнөкөй деп ойлойм. Орустар артыкчылык кылууда, алардын украиналыктардан артыкчылыгы ар апта сайын артып барат, эгерде бул жайда же күздө украиналык куралдуу күчтөр талкаланса таң калбай эле коюш керек", — деп жыйынтыктаган оюн Миршаймер.
Зеленскийдин президенттик мөөнөтү 20-майда бүткөн. Украинада президентти шайлоо 2024-жылдын 31-мартында, ал эми жаңы башчынын инаугурациясы май айында өтүшү керек эле. Добуш берүүнү согуштук абал менен жалпы мобилизацияга шылтоолоп токтотуп коюшкан. Зеленский азыр шайлоо өткөрүү "мезгили эместигин" жана бул маселеге чекит коюу туурасында айткан.
Россия президенти Владимир Путин Зеленскийдин легитимдүүлүгү боюнча маселеге анын ыйгарым укуктары аяктагандан кийин Украинанын саясий жана укуктук системасы жооп бериши керектигин белгилеген.