БИШКЕК, 3-июн. — Sputnik. Бүгүн түштөн кийин жана эртең, 4-июнда, Ош, Жалал-Абад, Баткен, Ысык-Көл облустарынын тоолуу райондорунда, тоо этектериндеги жерлеринде сел жүрүшү мүмкүн. Бул туурасында ӨКМ шашылыш кабарлады.
"Аба ырайынын бузулушуна жана нөшөрлөгөн жамгырга байланыштуу Ош, Жалал-Абад, Баткен, Ысык-Көл облустарынын тоолуу жана тоо этектериндеги райондорунда сел жүрүшү, дарыяларда суунун деңгээли көтөрүлүшү күтүлөт", — деп айтылган анда.
Министрлик селди, суу каптоону алдын алуу үчүн арыктарды, суу өтчү түтүктөрдү, дренаждык түйүндөрдү ар кандай таштандылардан арылтып, тазалап коюуну эскертти.