БИШКЕК, 3-июн. — Sputnik. Кыргызстан январь-апрель айларында 587 килограмм күмүштү экспорттогону Улуттук статистика комитетинин маалыматында жазылган.
Анын жалпы баасы 451,9 миң долларды чапчыйт, баарын Гонконг алган. "Күмүш" деген графада январь жана январь-февраль боюнча тиешелүү статистикалык маалыматтар жайгаштырылган эмес.
Салыштыра келгенде былтыр баш-аягы 724,3 килограмм күмүш сатылган. I кварталында тышка эч нерсе экспорттолбогон, күзгү сатуу да болгон эмес. Мындан улам Кыргызстан тышка чыгарууну бир нече айдан кийин жаңылады деп айтууга болот.