БИШКЕК, 2-июн. — Sputnik. Кытайдын "Чанъэ-6" зонду 2-июнда саат 6:23тө Айдын аркы бетине ийгиликтүү конду. Бул тууралуу РИА Новости жазды.
Зонд алдын ала тандалган аймакка, Түштүк уюл – Эйткен бассейнине конгон. Кытайдын улуттук космостук башкармалыгы (CNSA) "Чанъэ-6" миссиясы Айдын ретрограддык орбитасында пландоо жана техникалык башкарууда секирик жасаганын маалымдады. Зонддун конуу модулу ылайыктуу орунду табуу үчүн лазердик 3D-сканерлөөнү колдонгон. Ал Айдын бетине 100 метрдей жетпей катып калып, кайра түз жүрө баштаган.
"Чанъэ-6" аппаратынын миссиясы ийгиликтүү аткарылса адамзат тарыхында биринчи жолу Айдын аркы бетинен Жерге топурак алып келинет.
"Чанъэ-6" учуу үчүн аппараттарды артка кайтаруучу жана ылдый түшүрүүчү орбиталык модулдан турат. Зонд пайдалуу аппараттар, анын ичинде панорамалык камералар, минералдардын жана Айдын топурагынын структурасынын спектралдык анализи үчүн орнотулган приборлор менен жабдылган.