"Социалдык контракт" долбооруна катышууну каалагандар алгач айыл өкмөттөргө арыз менен кайрылат. Алар багытын туура тандоо үчүн белгиленген окутуулар өтөт. Келип түшкөн арызда алынган каражатты кайсы тармакка жумшаары да көрсөтүлөт. Биз жерине барып иликтөө иштерин жүргүзүп келебиз. Мисалы, мал багам десе анын сарайы болушу шарт, тигүү тармагына иштетем десе үйүндө атайын бош бөлмөсү болушу керек. Отурган үйүнө эле тигүүчү машинаны орнотуп алганга уруксат берилбейт. Андан соң ошол багытта иштесе бир жумада канча киреше табат, бир айда кирешеси канча болот, баары эсептелип чыгат. Акча колуна тийген соң да биздин кызматкерлер сатып алуу процессине катышат. Быйыл үй-бүлөдө майыптыгы бар киши болсо аларга да социалдык контрактыга катышууга мүмкүнчүлүк берилүүдө. Буга чейин мындай өзүнчө бөлүм каралган эмес эле", — деди Шамыркулова.