БИШКЕК, 31-май — Sputnik. Россиянын баш калаасында Украинанын өзүнүн жана НАТОнун мүчө өлкөлөрү берген согуштук техникалардын олжолонгон түрлөрүнүн көргөзмөсү өтүп жатат.
Бул туурасында Sputnik Ближнее зарубежье жазды.
Москвадагы Поклонная дөңсөөсүндөгү бул көргөзмөгө чет өлкөлөрдүн элчилери да келишти. Андан сырткары, олжолонгон куралдарды КМШнын Аткаруу комитеттеринде иштегендер да көрүп чыгышты.
Россиялык аскерлердин колуна бир топ кызыктуу экспонаттар түшкөн. Ал жерге шведдердин БМП CV9040, Американын International MaxxPro, немецтердин Marder техникалары, дрондору алып келинген.