Бул ирет “Стимул” уктуруусунун коногу Дубай Эл аралык аэропортунда сатуу тармагында иштеп жаткан мекендешибиз Фарида Сейталиева болмокчу. Ал дүйнөдөгү эң кыймылдуу аэропорттун ичинде күн сайын 12 сааттан иштөөнүн күңгөй-тескейи менен бөлүштү. Түрдүү маданияттагы элди тосуп алган бул аэропорттун сатуу тармагында иштөө үчүн кандай талаптарга жооп бериш керектигине каарманыбыз кенен токтолуп айтып берди. Сейталиеванын айтымында, БАЭде кыргыз жаштарына суроо-талап жогору. Анткени алар өздөрүнүн жумушуна жоопкерчилик менен мамиле жасайт.
Ошондой эле мекендешибиз Орто Азиялык жаштар бир нече тилде эркин сүйлөй билгендиги алар үчүн чоң артыкчылык экенин кошумчалады.