ОшМУда «Робототехника жана жасалма интеллект» борбору ачылдыЖККУ күчтөрү заманбап куралдуу болот. Документке кол коюлдуЭми Кыргызстандын ички каттамдарына санарип паспортту пайдаланса болоталдыда кененирээкӨлкөнүн ички каттамдарына санарип паспортту пайдаланса болот. Бул тууралуу "Манас" аэропортунан билдиришти. "Кыргызстан ичинде уча турган болсоңуз эми ID-паспортун ала жүрүүнүн кажети жок. Ички каттамдар менен жүргөндө Tunduk тиркемесинен паспорттун санарип түрүн көрсөтүп коюуга болот", — деп жазылган маалыматта. Учурда портал аркылуу 150дөн ашык кызмат көрсөтүлүп, алардын саны өсүп жатат.Быйыл апрелде жарандар алгачкы жолу шайлоо тилкелеринде идентификациядан өтүү үчүн электрондук паспортторду колдонуу мүмкүнчүлүгүн алышкан.
Ош мамлекеттик университетинин 85 жылдык мааракеси белгиленди. Ага катышкан министрлер кабинетинин төрагасы Акылбек Жапаров университеттин бюджети бүгүнкү күндө 4 млрд сомдон ашканын айтты. Мамлекетке төккөн салыктардын көлөмү жылына 130 млн сомдон ашат. Акылбек Жапаров билим берүү тармагында рыноктун талаптарына жараша ишин уюштурууга, академиялык эркиндикке, университеттер билим берүүдөгү практика жана инновация менен айкалыштырууга багытталган бир топ иштер болуп, бул максатта билим берүү программаларын түп тамырынан өзгөртүүгө туура келип жатканын белгиледи.Ош мамлекеттик университетинин 85 жылдыгына карата көргөзмө уюштурулуп, ОшМУнун Бизнес паркынын 39 стартап долбоору , 67 бизнес компания жана 10го жакын Өзбекстан, Казакстан, Росссия, Кытай жана Түркиядан келген бизнес чөйрөсүнүн өкүлдөрү катышты.
Алматы шаарында Жамааттык коопсуздук жана келишими уюмунун коргонуу министрлеринин отуруму өттү. Иш-чарага уюмдун башкы катчысы Имангали Тасмагамбетов жана Бириккен штабдын жетекчиси Андрей Сердюков катышкан. Баш катчы "ЖККУнун жамааттык коопсуздук аймактарындагы аскердик коопсуздук жаатындагы көйгөйлөр жана коркунучтар" деген темада доклад жасады. Отурумдун жүрүшүндө жаматтык коопсуздук аймактарындагы аскердик-саясий кырдаал жана анын мүчө мамлекеттердин коопсуздугуна тийгизген таасирин талкуулашты. Андан сырткары, ЖККУнун аскерлерлерин куралдардын жана техникалардын заманбап жана келечектүү үлгүлөрү менен камсыздоо боюнча документтер каралып, кол коюлду. Биргелешкен согуштук жана күжүрмөн даярдыкты пландоо, ЖККУнун тынчтык орнотуучуларын даярдоонун ыкмаларын өркүндөтүү, тажик-афган чек арасын бекемдөө боюнча уюмдун мамлекеттер аралык максаттуу программасын бекемдөө боюнча сүйлөшүштү.
АКШнын президенти Жозеф Байден Харьковдун кооптуулугуна коркунуч жараткан Россиянын аймактарындагы буталарды америкалык курал менен контрбатареялык күрөш жүргүзүү үчүн аткылоого Украинага уруксат берди. Бирок ыкчам-тактикалык ракеталарды жана алыска атылуучу башка каражаттарга салынган тыюу күчүндө калганын РИА Новости Мамдепартаменттин өкүлүнө таянып билдирди. "Президент жакында эле өзүнүн командасына АКШ берген куралдарды Харьков аймагында контрбатареялык максатта Россиялык күчтөргө жооп кылуу үчүн колдонууга мүмкүнчүлүк жаратып берүүнү тапшырды. Бул Украинага аларга чабуул жасаганга же ага камынып жатканы үчүн кайтара турган жообу", — деген агенттиктин маектеши. New York Times Пентагон Украинанын аскердик күчтөрүнө сокку урула турган РФтеги буталарды сүрөттөп, тактап берүүгө милдеттенме алганын жазды.