Кыргызстандын салык мыйзамдарына киргизилген акыркы өзгөртүүлөргө ылайык, акчалай төлөмдөрдү накталай эмес түрдө гана жүргүзгөн ишкерлер ККМди колдонбой эле иштей алышат. Бул тууралуу Салык кызматы билдирди. Бул жаңы нерсе QR-төлөмдөр, POS-терминалдар, төлөм терминалдары, идентификацияланган электрондук капчыктар, мобилдик тиркемелер жана башка перифериялык түзүлүштөр аркылуу товарларды сатууда, жумуштарды аткарууда жана кызматтарды көрсөтүүдө калкка төлөмдөрдү накталай эмес формада гана жүргүзгөн ишкерлерге тиешелүү. Бирок накталай эмес жана накталай төлөмдөрдү кабыл алган субъектилер бул мыйзам жобосун колдоно албайт.
Elite House курулуш компаниясынын негиздөөчүсү Тимур Файзиев үй камагына чыгарылган. Бул тууралуу Бишкек шаардык соту билдирди.Маалыматка караганда, тергөө абагынан бошотуу өтүнүчү менен тергөөчүлөр кайрылган. Бишкектин Октябрь райондук соту Файзиевди бир күн мурун түрмөдөн чыгарган. Анын бөгөт чарасы "4-июнга чейин үй камагына алуу" деп өзгөртүлдү.Файзиев былтыр 9-октябрда кармалган. Ага Кылмыш-жаза кодексинин "Кылмыштуу кирешелерди адалдоо" беренеси боюнча айып тагылган. 2021-жылдын май айында Аскердик прокуратура Файзиевге дагы бир иш боюнча издөө салган. Анда ал Бишкектен жер тилкелерин алуудагы коррупцияга, ошондой эле мыйзамсыз курулуштарга шериктеш болгон деп айыпталган. Ишкерди камакка алуу боюнча бөгөт чарасы сыртынан тандалып, бирок анын кайда экени белгисиз болгон. Кийин Файзиевдин иши УКМКга өткөрүп берилген.
"Аккула" ипподрому кайрадан аукционго коюлду. Бул тууралуу Бишкек мэриясынан билдиришти. Маалыматка ылайык, мүлк комплекси 33 лотко бөлүнгөн. "Муниципалитеттин алдында ат майдандын аймагында мектеп, бала бакча, инженердик курулуштарды, жолдорду жана жашыл аймактарды куруу үчүн жер тилкелери калтырылды", — деп жазылат маалыматта. Буга чейин 16-майда өтө турган аукцион арыздын жоктугуна байланыштуу болбой калган. Белгилей кетсек, ат майдандын аянты 45,73 гектар. Объектинин баштапкы баасы 8 миллиард 731 миллион 917 миң сом деп бааланган.
Мэрия Бишкекте 151,8 миллион сомго эки көпүрө курууну пландап жатканын маалымат кызматы кабарлады. Билдирмеге караганда, көпүрө салууга мэриянын Транспорт жана жол-транспорт инфраструктурасын өнүктүрүү башкармалыгы тендер жарыялаган. Биринчиси — шаардын чыгыш бөлүгүндөгү Чоң Чүй каналына Шүкүров көчөсү менен Медеровго чыккан көпүрө. Ага 23 миллион 164 миң каралган. Ишти 30-ноябрга чейин бүтүрүү керектиги белгилүү болду. Экинчиси — Жибек Жолу проспекти менен Аламүдүн суусу аркылуу өтчү көпүрө. Ага 128 миллион 687 миң сом мерчемделип, ишти жылдын соңуна чейин тапшыруу керектиги айтылды. Ал эми документтерди 11-июнга чейин тапшыруу зарыл.///ЭМИ ВАЛЮТА КУРСУ МЕНЕН ТААНЫШЫП АЛЫҢЫЗДАР Улуттук банктын билдирүүсү боюнча ушул тапта: 1 АКШ доллары 87 сом 70 тыйынга 1 евро 95 сом 5 тыйынга 1 рубль 98 тыйынга Казак тенгеси 19 тыйынга барабар
МУНАЙ БААСЫ Бишкекте орточо эсеп менен ал