БИШКЕК, 29-май — Sputnik. Бишкекте бир миллиард сомго бааланган 2,5 гектарлык жер тилкеси мамлекетке кайтарылды. Бул тууралуу УКМК билдирди.
Маалыматка караганда, Бишкек мэриясынын жооптуу кызматкерлери менен жең ичинен сүйлөшүлүп жер 2011-жылы аукцион аркылуу жеке менчикке өткөн. Ошол кезде эки миллион доллар турган участок 340 миң долларга берилип кеткен.
© Фото / пресс-служба ГКНБ КР
"Алар жердин баштапкы максатын да өзгөртүп салышкан. Тагыраагы, мектеп түшө турган жерге соода борбору бар көп кабаттуу комплекс курушкан", — деп айтылат маалыматта.
Ыкчам-иликтөө иш-чараларынын жүрүшүндө ээси жер тилкени мамлекеттин балансына өз ыктыяры менен өткөрүп берди. Учурда ушул сыяктуу фактыларды, тиешеси бар кызмат адамдарын аныктоо боюнча тергөө жана ыкчам издөө иш-чаралары жүргүзүлүүдө.