БИШКЕК, 26-май — Sputnik. Европа өлкөлөрү жылдын аягына чейин Украинаны колдоп, тынчтыктын орношу үчүн кандай гана сценарий болбосун даяр турушу керек. Бул туурасында Франция президенти Эммануэль Макрон германиялык кесиптеши Франк-Вальтер Штайнмайер менен биргелешип берген маалымат жыйында билдиргенин РИА Новости жазды.
Франция лидеринин пикиринде, азыркы көйгөйлөр Париж менен Берлиндин "келечекти даярдоодогу" кызматташуусунда "секирикти" талап кылып жатат.
"Секирикти чатактын башында жасадык, бирок зарылдыктан улам дагы алдыга жылыш керек. Катаал позицияны ээледик. Бул маселени министрлер жана коргонуу боюнча биргелешкен (Франция-Германия) кеңештерде көтөрөбүз. Украины куралдандырып, окутуп, колдоп, жыл аягына чейин жардам беришибиз керек. Аны менен катар эле эл аралык укуктардын алкагында тынчтык көпкө чейин орношу үчүн ар кандай сценарийлерге даяр турушубуз шарт", — деген ал.
Президент Германияга жасаган үч күндүк сапарынын жыйынтыгында Украинанын жана Европанын коопсуздугу боюнча "амбициялуу" планды жана "ЕБдин атаандаштыкка туруштук берүүсүнө, жаңычылдыктарга, өсүштөргө жалпысынан ташталган көз карашты" көргүсү келгендигин билдирген.
Майдын ортосунда Макрон эгерде Москва "чектен өтүп баратса" Европа Россияны токтотуп турууга даяр болушу зарыл экендигин айткан. Буга чейин ал Евробиримдиктин мүчөлөрү "тереңирээк чабуул жасаш үчүн тогузунчу коалицияны" түзүүнү макулдашканын билдирген. Максаты Украина армиясына алыска жана орто аралыкка атылуучу ракеталарды берүү болгон. Француз лидери, мындан тышкары, Париж Россиянын "бул согушта утулушу үчүн" бардыгын жасай тургандыгына ишендирип, эгерде Киев режиминен өтүнүч түшсө мурдагы советтик өлкөгө күчтөрдү жиберүүгө убада берген.
Жалпысынан алганда НАТОнун кээ бир өлкөлөрү Украина чатагына түздөн-түз киришүүнү сындап келишет. Кремлдин өкүлү Дмитрий Песков болуп жаткандарды өзгөчө көңүл бурууну жана чараларды көрүүнү талап кылган чыңалуунун болуп көрбөгөндөй этабы деп атаган. Батыш саясатчыларынын согуштук маанайдагы билдирүүлөрүнүн фонунда президент Владимир Путиндин тапшырмасы менен Россиянын Түштүк аскердик округунда ракеталык машыгуулар башталды. Анда стратегиялык эмес өзөктүк куралдарды колдонууга жатыгып жатышат.