БИШКЕК, 27-май — Sputnik. Көк бөрү Казакстанда өтө турган V Көчмөндөр оюндарынын программасына киргизилди. Бул тууралуу Көк бөрү федерациясынын вице-президенти Рамис Жунусалиев билдирди.
Анын айтымында, маселе Садыр Жапаровдун Казакстанга болгон апрелдеги иш сапарында чечилген.
Эми коңшу өлкөдө өтө турган иш-чарага Кыргызстан көк бөрү жана көк пар боюнча эки курама команда даярдап барат.
Буга чейин көк бөрү Көчмөндөр оюндарынын тизмесине кирбей калганы айтылган. V Дүйнөлүк көчмөндөр оюндарына даярдыктын жүрүшү менен таанышуу үчүн Астанага барган делегация аталган оюндарды тизмеге киргизүү зарылдыгын белгилеп, Кыргызстан көк бөрү, көкпар боюнча эки курама команда алып келүүгө даяр экендигин билдирген.