БИШКЕК, 21-май — Sputnik. Президент Садыр Жапаров Талас шаарындагы реконструкцияланган аэропортту салтанаттуу ачты. Бул тууралуу мамлекет башчынын маалымат кызматынан билдиришти.
Аба майдан саатына 100 жүргүнчү тейлейт. Мамлекет башчы "Талас" аэропорту жөн гана инфраструктуралык жетишкендик эмес, өлкөнүн өсүп-өнүгүүгө болгон умтулуусунун белгиси экенин айтты.
"Бул кадам өлкөнүн мындан аркы өнүгүүсүнө, мамлекеттүүлүктүн бекемделишине, элдин жакындашуусуна өбөлгө түзөт, экономиканы, ишкерликти жана туризмди өнүктүрүү үчүн жаңы мүмкүнчүлүктөрдү ачат, ошондой эле коңшу өлкөлөр менен алака-катышыбызды чыңдоого жардам берет", — деп айтылат маалыматта.
Ошондой эле өлкө башчы аймактардагы аэропортторду пайдаланууга берүүгө аракеттер көрүлүп жатканын белгилеп, "Манас" аэропорту муктаждыкты жабуу үчүн Q-400 учактарын сатып алганын кошумчалады.