БИШКЕК, 20-май — Sputnik. Камчы Көлбаевдин уюшкан кылмыштуу тобун каржылаган ишкерлер аныкталды. Бул тууралуу УКМКдан билдиришти.
Камчы Көлбаевдин уюшкан кылмыштуу тобун каржылаган ишкерлер аныкталды
© Фото / пресс-служба ГКНБ КР
Маалыматка ылайык, "Т.И." компаниясынын негиздөөчүсү С.Р.М аталган топко ай сайын 40 миң доллар берип турган.
"Өз кезегинде Камчы Асанбек Россиянын жана башка өлкөлөрдүн криминалитетинин арасында өзүнүн кылмыштуу байланыштарын пайдалануу менен бизнес-долбоорлорго колдоо көрсөткөн. Ошондой эле Россиянын аймагында жана КМШнын башка өлкөлөрүндө С.Р.М. жана анын "Т.И." компаниясынын коммерциялык кызыкчылыктарын илгерилетүүгө жардамдашкан", — деп жазылган маалыматта.
Факт боюнча компаниянын негиздөөчүсүнүн өкүлү Б.С.В. 16-майда кармалып, өзү издөөгө алынганы кошумчаланды.