Ошто мыйзамсыз иштеген майнинг-фермалар аныкталдыИрандын президенти Эбрахим Раиси каза болгону тастыкталдыӨлкө жетекчилери "катышкан" жасалма видеолор тарап жатканы эскертилдиалдыда кененирээкСоциалдык тармактарда өлкө жетекчилерине окшош адамдар сүйлөгөн жасалма видеожарнамалар тарап жатканын президенттин маалымат катчысы Аскат Алагөзов соцтармактагы баракчасы аркылуу билдирди. "Шылуундар видеодо өлкөнүн биринчи адамдарына окшотуп, жасалма интеллект менен эриндерин жана үнүн синхрондоштуруп иллюзия жаратууда. Жасалма чат-боттор да түзүлүп, белгилүү маалымат агенттиктеринин жаңылыктарынын жасалма "скриншотторуна" шилтемелер кетүүдө. Бир караганда бул видеолор чын сыяктуу көрүнөт. Бирок биз бул жасалма экенин баса белгилейбиз", — деп жазган Алагөзов. Ошондой эле ал өлкө жетекчилигинин атын жамынып, үн жана видеолорду бурмалаган шылуундардын айла-амалдарына алданбай, маалыматты расмий булактардан текшерүүнү эскерткен.
Мамлекеттик ипотекалык компания турак жай алуу боюнча "Топтолмо ипотека" демилгеси кандай ишке ашарын түшүндүрдү.Мекеме билдиргендей, топтолмо ипотеканын негизги артыкчылыгы — ыңгайлуу пайыздык чен жана насыя алуунун жөнөкөйлөштүрүлгөн тартиби. Эске салсак, буга чейин президент Садыр Жапаров үй алууга баштапкы сумманы топтой албай жаткандарга жаңы мүмкүнчүлүк ачыларын айткан эле. Анда айтылгандай, РСК банк "Элдик банк" болуп өзгөрөт. "Баштапкы төлөмдүн 30 пайызын атуул "Элдик банкта" топтойт. Андан кийин банк ага турак жайдын баасынын 20 пайызын беш жылга 10 пайыз менен насыя берет. Калган 50 пайызды сегиз пайыз менен Мамлекеттик ипотекалык компаниясынан 15 жылга алат", — деп айтылат. Жаран алгач алган насыясынан кутулган соң гана ипотекасын төлөөгө киришет. Долбоорду күзүндө ишке ашыруу пландаштырылууда.
Ирандын президенти Эбрахим Раисинин тик учак кырсыгынан көз жумганын РИА Новости Mehr агенттигине шилтеме кылып жазды. Раиси 64 жашта эле. Ал аталган өлкөнү 2021-жылдын августунан тарта башкарып келе жаткан. Буга чейин кырсыктаган тик учактагылардын баары көз жумду деп айтылып жаткан. Маалыматтарда бортто өлкө башчыдан сырткары эки аткаминер, имам жана экипаждын мүчөлөрү болгону айтылууда. Эскерте кетсек, Ирандын президенти Эбрахим Раисинин тик учагы Азербайжандан келе жатып кырсыкка учурап, Чыгыш Азербайжан провинциясынын Жулфа шаарына кулаган. Мамлекет башчынын кортежинде үч тик учак болгон. Кырсык болгон кеменин бортунда президенттен тышкары республиканын тышкы иштер министри Хосейн Амир Абдоллахиан жана Чыгыш Азербайжандын губернатору Малик Рахмати болгон.
Украинанын Куралдуу күчтөрү Россия армиясынын Харьков багытындагы жарып кирген чабуулуна даяр эмес болуп чыкты. Бул туурасында New York Times басылмасы жазды. "Россиялык аскерлер Украинанын түндүк чектерине ушундай тездик менен кирип келди, эптеп жасалган коргонуу чептери тоскоол боло алган жок. Украин жоокерлери үчүн бул күтүүсүз болуп, позицияларынан чегиништи", — деп айтылган макалада. Россия армиясынын артиллерия жана абадан ишенимдүү жасаган чабуулу Киев аскерлери үчүн "кесепети оор болуп", абадан кол салганда коргоно турган системанын айласын кетирген.Басылманын маектешинин айтып бергенине караганда, россиялыктар каршылаштардын коргонгон жерлеринен дурус курулбагандыктан жана жетишсиз болгондуктан тез эле өтүп кете алышты. Киевдин негизги көйгөйлөрүнүн бири — армиядагылардын санынын аздыгы болууда.