БИШКЕК, 19-май — Sputnik. Улуттук тарых музейинде орустун улуу акыны Александр Пушкинге арналган иш-чара өттү.
Ал "Музейдеги түн" иш-чарасынын алкагында уюштурулду. Программада "А.С.Пушкиндин сыйкырдуу жомоктору" деген иллюстрациялардын көргөзмөсү, "Александр Пушкиндин жомок ааламы" тасмасы, викторина, "Пушкин жана... Михайловское" мультфильми жана башкалар көргөзүлдү. Иш-чараны Бишкектеги "Русский дом" өткөрдү.
Эске салсак, быйыл Россия президенти Владимир Путин Александр Пушкиндин 225 жылдыгын белгилөө боюнча жарлыкка кол койгон.