БИШКЕК, 19-май — Sputnik. Кыргызстан Иранга койдун этин экспорттой баштады. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, 18-майда 10 тоннага чукул тоңдурулган койдун этинин биринчи партиясы Иранга жөнөтүлгөн.
"Бардык продукцияга ветеринардык-санитардык көзөмөлдөө жана контролдоо иш-чаралары, ошондой эле сапат жана коопсуздук көрсөткүчтөрү боюнча лабораториялык көзөмөл жүргүзүлдү", — деп жазылган маалыматта.
Аптасына 12 тоннадан 24 тоннага чейин, жалпы 1000 тонна койдун этин экспорттоо пландалып жатканы айтылды.
