Жогорку Кеңештин жыйынында "Президентти жана Жогорку Кеңештин депутаттарын шайлоо жөнүндө" конституциялык мыйзамына өзгөртүүлөрдү киргизүү тууралуу" конституциялык мыйзамды четке кагышты. Мыйзам долбоору шайлоо процессин өркүндөтүү максатында иштелип чыкканы белгиленди. Мыйзам долбоору шайлоо алдында үгүтчүлөрдүн санын кыскартууга багытталган. Талкуунун жүрүшүндө депутаттар бул демилгеге каршы чыгып, жыйынтыгында мыйзам долбоору четке кагылды.
Кыргызстанга унаасы менен келген жарандар машинасын милдеттү камсыздандыруудан өткөрүшү керек. Бул тууралуу Финансы рыногун жөнгө салуу жана көзөмөлдөө кызматынан билдиришти. Маалыматка ылайык, бул норма 2023 жылдын 1-апрелинен тарта иштейт. "Камсыздандыруу тарифтери айдоочунун тажрыйбасына, машинанын техникалык абалына жараша эсептелет. Башкача айтканда, айдоочу тажрыйбалуу, ал эми унаа жаңы болсо ошого жараша камсыздандыруу полиси арзан, ал эми унаа эски, айдоочу үйрөнчүк болсо тескерисинче кымбатыраак болот", — деп айтылат маалыматта. Ошондой эле унаасын камсыздандырбаган чет элдиктер үчүн Укук бузуулар жөнүндө кодекстин 184-бересинин 2-бөлүгүнө ылайык жеке жактарга 3000 сом, юридикалык жактарга 13 миң сом айып салынары кошумчаланды.
Евразиялык экономикалык комиссиянын кеңеши ЕАЭБдин "Оюнчуктардын коопсуздугу тууралуу" техникалык регламентине өзгөртүүлөр киргизилгенин ЕЭК билдирди. Техрегламент жаңы терминдер жана оюнчуктардын жаңы түрлөрүнө коюлган талаптар менен толукталды. ЕЭКтин техникалык жөнгө салуу боюнча министри Валентин Татарицкий оюнчуктар улам жаңыланып жатканын белгилеген. "Продукцияга коюлган талап өзгөртүүлөрдү шарттап жатат, бул өз кезегинде жалпы оюнчуктардын коопсуз деңгээлин жогорулатат. Муну менен катар айрым жоболордун конкреттештирилиши ишкерлерге өндүрүштүн майнаптуулугун жогорулатууга мүмкүнчүлүк берет", — деди министр. Техрегламентке киргизилген өзгөртүүлөр жарым жылдан кийин күчүнө кирет.
Жаңгактардын түрүнө карата химиялык курамы, анын адам организмине таасири түрдүүчө болорун нутрициолог Анжелика Дюваль Sputnik радиосуна курган маегинде айтып берген. Адистин билдирүүсүнө ылайык, кедр жана грек жаңгактары баалуу компоненттерге бай. "Кедр жаңгагы курамындагы майдан улам организмге эң пайдалуу делген 20 азыктын катарына кирет. Мен аны ден соолугунда көйгөй болуп жаткан айрым бейтаптар туруктуу жеши үчүн жазып берем", — деген Дюваль. Бирок дарыгер жаңгактын кайсы түрү болбосун ченемден ашыра жеген зыян алып келерин белгиледи. "Алар абдан калориялуу болгондуктан көп жегенге болбойт. Этке тете болгон, сиңирүү кыйынга турган азык экенин эске алуу зарыл. Ашказан-ичеги органдарында көйгөйү барларга жаңгакты рациондон алып салууну сунуштамакмын. Жаңгактын нормасы орто эсепте бир ууч, бул максималдуу норма, андан ашырбаш керек. Күн сайын жегенге да болбойт, мындайда ашыкча салмак кошулат", — деп эскерткен адис. Нутрициолог кешьюну да абайлап жеген туура деп белгилейт. "Кешью жаңгакка кирбейт, ал буурчак өсүмдүгү. Ашказан-ичегиле