БИШКЕК, 15-май — Sputnik. "Бишкек троллейбус башкармалыгы" муниципалдык ишканасына жумушчулар керек экенин мэриянын маалымат кызматы кабарлады.
Билдирмеге караганда, аталган ишканага 18 жаштан жогору курактагы электрик, токарь, слесарь, Т категориясындагы троллейбустун айдоочулары талап кылынууда.
Каалоочулар 0312 65 75 90 телефон номерине чалып же жазса болот. Ошондой эле Москва көчөсү, 237 дареги боюнча кайрыла алары кошумчаланды.