"Бул сынак "2021-2025-жылдары мамлекеттик тилди өнүктүрүү жана тил саясатын өркүндөтүү" программасынын негизинде иштелип чыгып, республикалык бюджеттен каражат каралган. Максаты мамлекеттик тилди өнүктүрүүдө өлкөбүздүн мектепке чейинки билим берүүчү мекемелеринде балдарды мамлекеттик тилде окутууга арналган мыкты усулдук колдонмолорду, тармактык энциклопедияларды, көркөм чыгармаларды, ошондой эле хрестоматияларды, сөздүктөрдү басмадан чыгаруу, акын-жазуучуларга, жаш калемгерлерге жана котормочуларга чыгармачыл дем берүү жана колдоо, ошондой эле дүйнѳлүк адабияттын мыкты үлгүлѳрүн которуу аркылуу котормо ишине өбѳлгѳ түзүү болуп саналат. Катышуучулар үчүн атайын кыргыз адабиятынын негизинде жоболор иштелип чыккан. Сынактын шартын толук сактабаган жазуучулар дароо конкурстан четтетилет. Ар бир эмгектин мазмунуна, чыгармалардын адабий көркөм деңгээлине жана адабий тилдин ченемдерин, жазуу эрежелерин сактоосуна жараша баа берилет. Жеңүүчүлөр президентке караштуу Мамлекеттик тил жана тил саясаты боюнча улуттук комиссиянын алдындагы эксперттик-редакциялык комиссия тарабынан тандалып, алардын чыгармалары китеп болуп басылат. Сынак 15-апрелден 1-июнга чейин уланат",— деди Осмоналиев.