БИШКЕК, 13-май — Sputnik. Камчыбек Ташиев УКМКнын атайын багыттагы кызматынын курал-жарак жана техникасынын жаңы үлгүлөрү менен таанышып, каза болгон жоокерлерди эскерди. Бул тууралуу мекемеден билдиришти.
Маалыматка ылайык, 2006-жылы 12-майда "Альфа" атайын кызматы алгачкы аскердик жоготууларга учурагандан бери бул дата эскерүү күнү катары белгиленип келет.
"УКМК төрагасы Камчыбек Ташиев 13-майда "Альфанын "курман болгон жоокерлерин эскерди. Ошондой эле ал атайын кызмат үчүн сатып алынган жаңы аскердик-техникалык жабдууларды көрдү", — деп айтылат маалыматта.
Аталган кызмат ар дайым жаңы заманбап курал-жарак жана техника менен жабдылып турары кошумчаланган.