БИШКЕК, 13-май — Sputnik. 15-16-май күңдөрү Бишкекте Өзбекстандын кино күндөрү өтөт. Бул тууралуу Маданият, маалымат, спорт жана жаштар саясаты министрлиги кабарлады.
Билдирмеге караганда, коңшу мамлекеттин тасмалары эки күн "Россия" кинотеатрында акысыз көрсөтүлөт.
Программасы:
15-май, саат 18:30да "Абдулла Орипов" (реж. М.Эркинов)
16-май, саат 16:30да "Стойкость" (реж. Р.Маликов), ал эми 18:10до "Өзбек кызы" (реж. А.Бектурдиева) аттуу фильмдер тартууланат.
Министрлик ар бир тасманын соңунда көрүүчүлөр авторлор менен тасманы талкуулай алышарын кошумчалады.