БИШКЕК, 12-май — Sputnik. Нарын дарыясынан 4 жаштагы кыз изделип жатканын ӨКМден кабарлашты.
Алдын ала маалымат боюнча, Нарын шаарынын Интернат аймагында Г.Э. аттуу аял эс алып жүрүп, 4 жаштагы кызын Нарын дарыясынын жээгинен жоготуп алганын айтып кайрылган.
Учурда кызды издөөгө ӨКМдин 30 куткаруучусу эки дрон менен, ИИМдин 25 кызматкери, 30дай жергиликтүү тургун тартылганы кошумчаланды.