"Ысык-Көлдүн жээгинен 100 метр аралыкта эч кандай курулуш болбошу керектиги жөнүндөгү мыйзамдын кабыл алынганына 20 жыл болду. Инвентаризациядан кийин бир катар мыйзамсыз курулуштар аныкталган. Ошол себептен мамлекеттик курулуш, жергиликтүү бийлик башкармалыктары өздөрүнүн компетенциясынын негизинде мыйзамсыз курулуштардын бардыгын жок кылууга бир катар иштерди жүргүзүшүүдө. 2022-жылдын 26-апрелинде президенттин "Ысык-Көлдүн экологиясын сактоо боюнча кечиктирилгис чаралар жөнүндө" жарлыгы чыккан. Анда да өзү билемдик менен курулуп калган мыйзамсыз объектилер тууралуу жазылган. Былтыр суу жээктеги тосмолор алынган эле. Жергиликтүү калк деле пляждык аймак сакталышы керектигин айтууда. Көл жээгинде жеңил конструкция менен ар кандай курулуштар, пирстер салынып калыптыр. Эч кандай документтери жок. Ошол себептен бузууга аргасыз болдук. Чолпон-Ата менен Бостериде 100гө жакын мыйзамсыз объектилер, суу жээгиндеги соода павильондору аныкталды", — деди Турдугулов.