БИШКЕК, 10-май— Sputnik. Батыш өлкөлөрү Россия менен болушу мүмкүн деген согушка туруштук бериш үчүн аскердик доктриналарын түп-тамырынан өзгөртүшү керек. Бул тууралуу Dialogue Works YouTube каналына НАТОнун мурдагы кеңешчиси жана Швейцариянын Башкы штабынын отставкадагы полковниги Жак Бо билдирген.
"Менин оюмча, Батыш үчүн Россия менен кармаш кыйын болот. Анткени алар согуштук доктринаны СССРден мурастап алган. Батыш Украинадагы согуш талаасына революциялык жол менен ыңгайлашууга аргасыз болот", — деген эксперт.
Бо Россия Европада масштабдуу согушка даярданган советтик офицерлердин мурасын сактап кала алганын, ал эми Батыш Жакынкы Чыгышта алсызыраак душман менен согушуу үчүн өзүнүн аскердик теориясын жана командирлеринин ой жүгүртүүсүн түп-тамырынан өзгөртүп салганын белгилеген.
Аналитик Россиянын Куралдуу күчтөрү Европа менен аскердик кагылышка толук кандуу даяр болуп калганын кошумчалаган.