БИШКЕК, 9-май — Sputnik. Панфилов дивизиясынын жетекчилиги Ысык-Көл облусунда жашаган Улуу Ата Мекендик согуштун ардагерлерин куттуктады. Бул тууралуу Коргоо министрлигинин маалымат кызматы билдирди.
Иш-чара Улуу Ата Мекендик согуштагы Жеңиштин 79 жылдыгын белгилөөнүн алкагында өттү.
"СССРдин Баатыры Иван Панфилов атындагы 8-гвардиялык мотоаткычтар дивизиясынын жетекчилиги Каракол жана Балыкчы шаарларынын администрациялары менен биргеликте Улуу Ата Мекендик согуштун катышуучуларын үйүнө барып куттукташты", — деп айтылат маалыматта.
Ошондой эле Балыкчы шаарында да митинг-реквием өткөнү кошумчаланды.