БИШКЕК, 9-май — Sputnik. Таласта 8-май күнү Улуу Ата Мекендик согуштун ардагери Араке Арстанбеков 98 жаш курагында дүйнө салды. Бул тууралуу Россиянын Бишкектеги илим жана маданият үйүнөн билдиришти.
Ал 79 жыл мурун Жеңишти Берлинде тоскон. Согуштан кийин тигүү өндүрүшүндө, кийин кичи мекенинде колхоздо эмгектенген.
17-апрель күнү Россия администрациясынын делегациясы Араке Арстанбековдун абалын сурап барганын Россиянын Бишкектеги илим жана маданият үйү билдирди. Делегациянын башчысы Игорь Маслов ардагердин үй-бүлөсүнө көңүл айтуу телеграммасын жөнөтүп, эрдиги унутулбай турганын белгилеген.