Жеңиш аянтында жыйын-реквием болуп, ага Улуу Ата Мекендик согуштун ардагерлери жана тыл эмгекчилери, Жогорку Кеңештин төрагасы Нурланбек Шакиев, мамлекеттик катчы Сүйүнбек Касмамбетов, коргоо министри Бактыбек Бекболотов, Кыргызстанда аккредитациядан өткөн дипломатиялык корпустун өкүлдөрү, парламенттин депутаттары жана башкалар катышты. Иш-чара Өчпөс отко гүлчамбар жана гүл коюу, аза күтүү жана Кыргызстандын гимнин аткаруу менен башталды. Расмий өкүлдөрдүн сөзүнөн кийин Бишкек гарнизонунун аскер кызматкерлери салтанаттуу марш менен өтүштү. Борбор калаанын тургундары жана коноктору үчүн курал-жарак жана аскердик техниканын көргөзмөсү уюштурулду. Ошондой эле Коргоо министрлигинин ашпозчулары 500 килограммдан ашык жоокер боткосун даярдашты. Жеңиш күнүнө карата борбор калаанын ар кайсы аймактарында концерттер өтүүдө.Муну менен катар республиканын бардык аймактарында майрамдык иш чаралар өттү.
Жеңиш күнү Ош шаарында да жогорку деңгээлде белгиленди Түштүк аймакта митинг-реквием болуп, чогулгандар Өчпөс отко гүл коюп, курман болгондорго куран окулду. Андан соң борбордук аянтта майрамдык театрлаштырылган концерттик программа уюштурулуп, каалоочуларга аскер боткосу таратылды. Спорттук мелдештер да өткөрүлдү. Ошондой эле шаар башчысы Бакытбек Жетигенов 99 жаштагы ардагер Касымбай Жолдошовдон кабар алып, Садыр Жапаровдун атынан 100 миң сом жана башка белектерди тапшырды. Мындан тышкары, ооруктун эмгекчилерине да белек-бечкек таратылган.
Улуу Ата Мекендик согуштун каардуу, кыйын үч жылында СССРдин дээрлик бардык республикалары нацисттер менен бир муштумдай түйүлүп салгылашты. Бул туурасында Россиянын президенти Владимир Путин Кызыл аянтта Улуу Жеңиштин 79 жылдыгына арналган аскердик параддын алдында айтты. РФ лидери азаптуу алгачкы үч жылда СССР өзүнүн күчүнө таянып, ал эми Вермахттын аскердик кубаттуулугу үчүн бүткүл Европа көмөктөшкөнүн белгиледи. Ал Батыш Экинчи дүйнөлүк согуштун сабактарын көңүлдүн сыртында калтырууга аракет кылганы менен аны унутууга болбостугун эскертти.
Бул аралыкта Нарында Жеңиш майрамына карата митинг-реквием өттү Иш-чарага минкаб төрагасынын орун басары Эдиль Байсалов, облус башчысы, Нарын шаарынын мэри, коомдук ишмерлер, жергиликтүү тургундар катышты. Нарында Улуу Ата Мекендик согушка катышкан эки эле ардагер калды.
Россия Улуу Британиянын кастык менен жасаган кадамдарына катуу жана так кесе жооп берерин РФ ТИМинин расмий өкүлү Мария Захарова өзүнүн Telegram каналына жазды. Анын айтымында, Британиянын өкмөтү Россияны чагымга жетелөө саясатынан баш тартууга ниеттенбестен, тирешүүнү курчутуу үчүн да олуттуу аракеттерди көрүп жатат. Захарова Лондон "Россия элчилигинин коргонуу маселелери боюнча атташесин чыгарып жиберүүдөн тарта 8-майда жарыяланган антироссиялык чараларды бекемдөө үчүн ачык эле калп айтуу" ыкмасынан пайдаланууну чечкенин айткан. Расмий өкүл Лондондун четиндеги коммерциялык кампалардагы өрттөн кандайдыр бир "россиялык из" деген шылтоо менен РФке тие