БИШКЕК, 8-май — Sputnik. Чүй облусундагы Аламүдүн капчыгайынан россиялык үч турист изделип жатканын ӨКМден билдиришти.
8-май күнү ӨКМдин Чүй облустук башкармалыгына Спорттук туризм федерациясы коомдук бирикмесинин башчысы кайрылган. Ал Россиядан келген үч турист 30-апрелде Ысык-Ата капчыгайынан маршрут боюнча Аламүдүн капчыгайына ("Теплые ключи") жөө чыгып, дайынсыз болуп жаткандыгын билдирген.
62 жаштагы эки, 58деги бир туристти бүгүн ӨКМдин кызматкерлери издеп кеткени маалым болду.