БИШКЕК, 8-май — Sputnik. Бишкекте 8-9-майда №36 автобус, №2 жана №8 троллейбустун каттамдары убактылуу өзгөрдү. Бул тууралуу муниципалитеттен билдиришти.
Маалыматка ылайык, Улуу Ата Мекендик согуштагы Жеңиштин 79 жылдыгын белгилөөгө байланыштуу борбордун айрым көчөлөрүндө жол кыймылына убактылуу чектөө киргизилет.
Мындан улам №36 автобус Абдрахманов көчөсү менен Жибек Жолу проспектинен Чүй проспектине чейин каттайт. Ал эми №2 жана №8 троллейбустар Жибек Жолу проспекти — Лермонтов көчөсү — Чүй проспекти маршруту боюнча жүрөт.
Муниципалдык транспорттун каттамдары 10-майдан тарта кайра калыбына келери кошумчаланды.