Боомдо таш кулатылып, унааларга жарым-жартылай чектөө киргизилетОшто 300 орундуу оорукананын курулушу башталдыСадыр Жапаров Ошто туруп бир маалда 10 мектеп, эки бала бакчаны ачтыалдыда кененирээкПрезидент Садыр Жапаров Ош облусуна болгон жумушчу сапарынын алкагында Исхак Раззаков атындагы мектептин жаңы имаратын ачып, муну менен бирге өлкө боюнча дагы тогуз мектеп менен эки бала бакчанын ачылышына онлайн катышты. Бул тууралуу өлкө башчынын маалымат кызматы кабарлады.Ош шаарында жайгашкан окуу жайдын эски имараты 2015-жылы болгон жер титирөөдө жараксыз абалга кептелип, окуучулары И.В.Панфилов атындагы мектеп-гимназиясына көчүрүлгөн болчу. Жаңы имараттын курулушу ошол жылдары эле башталганы менен долбоор 2020-жылга чейин токтоп калган. Мектеп 720 окуучуга ылайыкташкан."Мамлекет башчысы акыркы жылдары балдардын билим сапатын жакшыртуу үчүн билим уяларынын көйгөйүн чечүүгө батыл киришип, мектеп имараттарынын курулушу масштабдуу колго алынганын эске салды. Ал акыркы үч жылдын ичинде 315 мектеп жана 69 бала бакча салынганын айтып, жылдан жылга билим берүү тармагына каралган каражаттардын динамикасы өсүп жатканын кошумчалай кетти", — деп айтылат маалыматта.
Бишкек — Нарын — Торугарт унаа жолунун 132-чакырымындагы Боом капчыгайында 7, 8, 10, 11-май күндөрү таш кулатылат. Бул тууралуу "Кыргыз темир жолу" ишканасынан билдиришти. Маалыматка ылайык, жол кыймылы коопсуздугун камсыздоо боюнча кызматкерлер жолду саат 9:00дөн 15:00гө чейин жарым-жартылай тосот. Жолду тазалоо учурунда унаалар бир тилкеге чыгарылат. Ишкана жолго чыга тургандарды каттамды алдын ала пландап алууну эскертип, таш автоунаа жана темир жол транспортунун коопсуздугун камсыздоо максатында кулатылып жатканын белгиледи.
Ош шаардык клиникалык оорукананын аймагына 300 орундуу имараттын курулушу башталды. Бул тууралуу Саламатык сактоо министрлигинен билдиришти.Маалыматка ылайык, долбоорду аяктоо 2025-жылга пландалууда. Ага саламаттык сактоо министри Алымкадыр Бейшеналиев капсула салды. Курулушка 595 миллион сом бөлүнгөн. Жалпы аянты 6633,5 чарчы метрди түзүп, үч блоктон турат. Имаратта кардиология, ортопедия, ЛОР, офтальмология, урология, эндокринология жана терапия бөлүмдөрү жайгашат. Ошондой эле операциялык жана реанимация бөлүмү, ашкана, кир жуучу жай, кампа болмокчу.
АКШда Владимир Зеленскийге альтернатива издөө күч алды. Бул тууралуу Россиянын Тышкы чалгын кызматы билдиргенин РИА Новости жазды. Маалыматка ылайык, Украинанын азыркы президентинин ордуна Европа тилектештиги партиясынын лидери Порошенко, Киевдин мэри Кличко, Куралдуу күчтөрдүн мурдагы башкы командачысы Залужный, Раданын экс-спикери Разумков каралууда. "Фронтто абал оорлошуп, лидерди алмаштыруу зарылдыгы жаралса күнөөнү Зеленскийге арта салып, аталгандардын бирин тандап алууга мүмкүн болот. Эң башкысы — украиналыктар Батыш саясатынан көңүлү калбашы керек, ошого жеткирбөө кажет", — деп жазылат билдирүүдө. Ошондой эле Зеленский 20-майдан кийин президент катары легитимдүү болбой калары, бирок ага Киев режимине жана Батыштагы курал өндүрүүчүлөргө пайдалуу "согушту каржылоо схемалары" байлангандыктан америкалыктар жана европалыктар анын ордунда калышын каалай турганы жазылган. Мындан тышкары, АКШ администрациясы үчүн Украинаны ким башкарса да Россия менен куралдуу кагылышты улантышы маанилүү экени кошумчаланган.