БИШКЕК, 5-май. — Sputnik. Мыктыбек Оролбай уулу Рио-де-Жанейродо өтүп жаткан UFC 301 турниринде бразилиялык Элвес Бренерди ишенимдүү утту.
Оролбай уулу үч раундда тең үстөмдүк кылып, калыстар 3:0 (29-27, 29-27, 29-27) эсебинде жеңишти бир добуштан берди.
Кыргызстандык мушкер өткөн жылдын ноябрь айында UFC уюмунда ийгиликтүү дебют жасаган. Ал келишим боюнча алдыда үч беттеш турганын айткан.