БИШКЕК, 5-май. — Sputnik. Ош, Кызыл-Кыя, Өзгөн жана Жалал-Абадда Улуу Ата Мекендик согуштун баатырларына арналган "Эскерүү оту" акциясы өттү.
Россотрудничествонун Кыргызстандагы өкүлчүлүгү уюштурган иш-чаранын жүрүшүндө Москвадан Кремлдин дубалындагы Белгисиз жоокердин мүрзөсүндөгү Өчпөс оттун бир бөлүгү алып келинип, өлкөдөгү ар бир шаарга жагылууда.
"Эскерүү отун" түштүк облусуна 4-майда таңга маал Россия президентинин ишенимдүү адамы, актер Михаил Мамаев, "Элдик фронт" кыймылынын Красноярск крайындагы облустук аткаруу комитетинин башчысы Оксана Ларионова, "Краснодар аймактык штабынын" мүчөсү Никита Костоправкин жеткирген.
Салтанаттуу иш-чараларга жергиликтүү өзүн-өзү башкаруу органдарынын, акимчиликтердин, шаар мэрияларынын башчылары, РФтин Оштогу Башкы консулдугунун, Россотрудничествонун, "Русский домдун" Оштогу өкүлчүлүктөрү, Кыргызстандын Куралдуу күчтөрүнүн аскерлери, Ардагерлер кеңешинен, коомдук, билим берүү уюмдары жана мектеп окуучулары катышкан.
"Эскерүү оту" эл аралык акциясынын алкагында жагылган оттун бөлүкчөсү ыктыярчылар тарабынан Кыргызстандын башка шаарларына өткөрүлүп берилип турат.