Стахановчу А.Айткулова кан майдандагы жоокерлер үчүн ич кийим тигүүдө. 1942-жыл, Фрунзе.
Фашисттик баскынчылардан бошотулган аймактарга Киров атындагы айыл чарба артелинин колхозчулары жеке корунан буудай жөнөтүүдө. Кант району, Фрунзе облусу, 1943-жыл.
Фрунзе атындагы заводдун жумушчулары түшкү тамак учурунда фронттогу абал тууралуу Совинформбюронун маалыматын угууда. Фрунзе, 1942-жыл.
Екатерина Ильченко №4178 госпиталынын медайымы. Фрунзе, 1943-жыл.
СССРдин башчысы Иосиф Сталиндин жазуучу Абдыкалык Чоробаевге ыраазычылык билдирген телеграммасы. Советтер Союзунун коргоо фондунун эсебине аскердик учак курууга Чоробаев өз каражатынан 5000 рубль которгон. Ак-Талаа району, Дөрбөлжүн айылы (азыркы Баетов), 1944-жыл.
Сталинград салгылашынын баатыры А.Мамеков. Ал бул кармашта 261 гитлерчини атып өлтүргөн. 1945-жыл.
Югославия менен Болгарияны фашисттик баскынчылардан бошотууга катышкан кыргызстандык офицерлер: П. Мамбетсадыков жана Советтер Союзунун Баатыры, аскердик учкуч Иван Гавриш. Фрунзе, 1970-жыл.
Чехословакияны гитлерчилерден бошотууга катышкан кыргызстандык аскерлер: В.Толстунов, Т.Мамбеталиев жана Советтер Союзунун Баатыры Василий Беляндра. Фрунзе, 1970-жыл.
Гвардиянын ага сержанты, кыргызстандык жоокер Мидхад Тухватуллин. Ал согуш талаасында өзгөчө эрдик көрсөткөндүгү үчүн Советтер Союзунун Даңк орденинин ээси болгон. Эрфурт шаары, Чыгыш Германия, 1945-жыл.
Кенже лейтенант Дуда Энгинаев согушта көрсөткөн эрдиги үчүн Советтер Союзунун Даңк орденинин ээси. Фрунзе, 1974-жыл.
Кыргызстандык офицер замбирекчи, келечектеги мамлекеттик ишмер жана акын Үсөнкул Жумабаев (оң жакта) теги казак куралдашы менен. Чехословакия, 1945-жыл.
Чыгыш Түркстан Эл Республикасынын армиясынын советтик ыктыярчылары улуту казак кыргызстандык офицер Байдулла Доскенов (сол жакта) полктошу Х.Ибрагимов. Батыш Кытай. 1946-жыл.
Панфиловчуларга арналган эстелик. Москва облусу, Дубосеково темир жолунун айрылышы. 1950-жылдар.
318-Новороссийск дивизиясынын 1337-Новороссийск полкунун аскери, Улуу Ата Мекендик согуштун ардагери Т. Давлетов №12 В.Ленин атындагы мектептин окучуулары менен кезигүүдө. Ал согушта көрсөткөн эрдиги үчүн СССРдин II жана III даражадагы “Даңк” ордендери менен сыйланган. Базар-Коргон районундагы Октябрь революциясынын 60-жылдыгы атындагы колхоз. Ош облусу. 1980-жыл.
"Ош" ресторанынын ашпозчусу, Улуу Ата Мекендик согуштун ардагери А.Мавлянов. Ош, 1975-жыл.
Маутхаузен концлагеринин туткуну В.Павленко М. В Фрунзе атындагы №64 орто мектептин окуучулары менен баарлашуда. Фрунзе, 1990-жыл.
Кричев атындагы 385-аткычтар дивизиясынын жоокерлери: Е.М. Ананьев, С.Ф. Мищенко, В.К.Перфирьев, М.А. Пшеничный, А.Е.Филиппов, И.В. Чумаков кан майдандагы окуяларды эскерүүдө. Фрунзе, 1980-жыл.
8-гвардиялык дивизиянын 19-полкунун ага сержанты Александр Зайченко. Калинин району (азыркы Жайыл), 1967-жыл.
1941-жылы сентябрда кыргызстандык офицер, келечектеги белгилүү котормочу жана жазуучу Олжобай Орозбаев Чыгыш Украинанын Полтава аймагындагы салгылашта катуу жарадар болот. Аны жергиликтүү Белыхтардын үй-бүлөсү гитлерчилерден жашырып, аман алып калат. 1974-жылы Орозбаев үй-бүлөнү таап, ыраазычылыгын билдирген. Украина, Полтава облусу, 1974-жыл.